Bernina Train • Легендарниот црвен воз

Од 649 € по лице

Бајковита Швајцарија + Австрија + Италија

СИРМИОНЕ • ТИРАНО •  ЦРВЕНИОТ БЕРНИНА ВОЗ • СТ.МОРИЦ • ЛУЦЕРН • ИНСБРУК • САЛЗБУРГ • ХАЛШТАТ

Термин: 06 Март 2027 / 27 Март 2027

Термин: 01 Мај 2027 / 30 Мај 2027

Термин: 06 Септември 2027

 

1 ден  • Скопје – Сирмионе (Италија)

Состанок на групата и поаѓање во 09:00 часот од спортската сала „Борис Трајковски“. Патувањето се одвива преку граничниот премин Табановце, низ Србија, Хрватска и Словенија. Дневно и ноќно возење со попатни паузи.

2 ден  • Сирмионе – Теглио / Тирано

Пристигнување во Сирмионе во утринските часови. Прошетка низ ова прекрасно мало место, сместено на полуостров во езерото Гарда. Сирмионе е познато по своите лековити термални води и прекрасната средновековна архитектура.

Патувањето продолжува кон Теглио/Тирано, каде што пристигнуваме во попладневните часови. Тирано се наоѓа во Ломбардија, во северна Италија, во близина на границата со Швајцарија.

Сместување во хотел. Слободно време за одмор и индивидуални прошетки.

Тирано – град на легенди и духовност

Една од највпечатливите знаменитости на Тирано е базиликата „Сантуарио дела Мадона ди Тирано“ (Santuario della Madonna di Tirano), една од најзначајните ренесансни градби од 16 век. Во тој период регионот бил погоден од страшната болест – чумата. Легендата раскажува дека на 29 септември 1504 година, додека се враќал од поле, на еден побожен човек по име Марио Ормодеи (Mario Omodei) му се појавила блескава светлина. Во неа ја здогледал Света Марија, која му рекла да подигне црква во нејзина чест и му ветила дека градот ќе биде заштитен од чумата. Така, мештаните ја подигнале денешната базилика Santuario della Madonna di Tirano. Според легендата, епидемијата на чума престанала.И денес, кога ѕвоната одекнуваат над Тирано, верниците ги доживуваат како потсетник на ветената заштита од пред повеќе од пет века, додека величествените планини се неми сведоци на оваа легендарна средба. Уште една локална легенда вели дека кога ќе се слушне звукот на возот Бернина, треба да се замисли желба. Се верува дека меѓу лозјата и Алпите желбите полесно го наоѓаат патот до вас.

03 ден • Тирано – Бернина Воз – Сент Мориц – Луцерн

Појадок. Со возбуда го дочекуваме утрото и се подготвуваме за едно незаборавно доживување. Се качуваме во легендарниот црвен воз Bernina, кој ќе нè однесе до монденското швајцарско одморалиште Сент Мориц.

Патувањето со Бернина возот на релацијата Тирано – Сент Мориц трае приближно 2,5 часа.

Клучни знаменитости на оваа неверојатна железничка рута:

За време на патувањето ќе ги видиме глечерот Мортерач, спиралниот вијадукт Брузио и прекрасните швајцарски Алпи. Железничката линија Албула/Бернина е прогласена за светско наследство на УНЕСКО во 2008 година, благодарение на своите извонредни технички и инженерски достигнувања.

Оваа живописна железничка рута минува низ 55 тунели и преку 196 мостови, вклучувајќи го и познатиот спирален вијадукт Брузио.

Со широко отворени очи и насмевка го започнуваме ова незаборавно патување. На почетокот нè пречекуваат медитерански пејзажи, тесни долини и лозја, додека возот постепено се искачува кон кружниот вијадукт Брузио, каде што железничката композиција прави впечатлив круг низ пејзажот.

Потоа пејзажот постепено се менува и станува сè повеличествен. Се појавуваат карпести предели, долги планински гребени и прекрасни глетки кон Алпите, вклучувајќи ги глечерот Палу и езерото Палу, со панорамски поглед кон Каваља и италијанските Алпи.

Следува станицата Оспицио Бернина, која се наоѓа на 2.253 метри надморска височина и претставува највисока станица на железничката мрежа на Ретската железница.

Ова подрачје е особено интересно и поради јазичната граница меѓу италијанското говорно подрачје Валпоскијаво и регионот Енгадин, каде што се зборуваат ретороманскиот и германскиот јазик.

Поминувајќи покрај езерата Бјанко и Леј Наир, дознаваме интересен природен феномен: водите северно од превојот Бернина се слеваат кон Дунав и Црното Море, додека водите јужно од превојот завршуваат во реката По и Јадранското Море.

Го здогледуваме и глечерот Мортерач, зад кој се издига величествениот масив Бернина. Во него се наоѓа Пиц Бернина, највисокиот врв на Источните Алпи, со височина од 4.049 метри.

Тешко е да се замисли толку прекрасен пејзаж во само неколку часа возење со воз!

Бернина не е само патување до одредена дестинација, туку вистинско доживување само по себе – возење кое го одзема здивот и останува во сеќавањата засекогаш.

Возот пристигнува во Сент Мориц, на надморска височина од 1.822 метри.

Сент Мориц – Гламур Луксуз и Алпска убавина

Сент Мориц е луксузно алпско одморалиште во кантонот Граубинден, Швајцарија. Познат е по зимските спортови, гламурот, врвните хотели и спектакуларната природа.

Градот бил домаќин на Зимските олимписки игри во 1928 и 1948 година и е познат по големиот број сончеви денови во текот на годината. Тој е еден од најстарите зимски туристички центри во светот, со стотици километри скијачки патеки.

Тука се наоѓа и познатото езеро Сент Мориц, кое во текот на зимата целосно замрзнува. На неговата површина се одржуваат трки со коњи, поло на мраз и различни ексклузивни настани.

Сент Мориц е синоним за ексклузивен туризам. Го посетуваат светски ѕвезди, кралски семејства и претставници на светската бизнис-елита.

Следува прошетка низ гламурозното место, при што ќе ги видиме општинската зграда, музејот Сент Мориц, сместен во впечатлива историска зграда, споменикот на Санкачот, како и навалената кула – еден од најпознатите симболи на градот.

Кулата потекнува од 12 век и била дел од старата црква St. Mauritius. Црквата била урната во 1893 година поради нестабилност на тлото, но кулата останала зачувана и подоцна била зајакната. Денес е позната по својот наклон од околу пет степени.

Ќе ги видиме и легендарните ексклузивни хотели Badrutt’s Palace и Kulm, чии основачи имаат големи заслуги за развојот на денешниот елитен Сент Мориц.

Слободно време за индивидуални прошетки.

Патувањето го продолжуваме со автобус кон Луцерн (225 км). Патуваме преку легендарниот превој Јулиер (Julierpass), кој се користел уште од времето на Римската Империја.

Додека се движиме низ прекрасните алпски предели, мислите ни се враќаат на незаборавните моменти од денот и фотографиите што ги направивме.

Пристигнување во Луцерн во вечерните часови. Сместување во хотел. Слободно време за индивидуални прошетки. Ноќевање.

4 ден  • Луцерн – Инсбрук

Појадок.

Луцерн – Романтична Швајцарска Разгледница

Претпладне прошетка низ еден од најубавите и најромантичните градови во Швајцарија.

Луцерн се наоѓа покрај истоименото езеро, опкружен со величествените Алпи, со прекрасно зачуван стар град и богата историја.

Нашата прошетка ја започнуваме со Споменикот на лавот (Löwendenkmal), познат и како Лавот од Луцерн, еден од најтрогателните споменици во Швајцарија.

Издлабен директно во карпа од песочник над мирно езерце во јавен парк, овој импозантен релјеф претставува споменик на швајцарските гардисти кои загинале во 1792 година, бранејќи го кралот Луј XVI во палатата Тилери за време на Француската револуција.

Продолжуваме со прошетка низ стариот град кон мостот Капел, изграден во 14 век, кој се смета за еден од најстарите покриени дрвени мостови во Европа.

Светски познатиот дрвен мост е една од најпрепознатливите знаменитости на Луцерн и омилено место за фотографирање. Заедно со Водената кула, го обликува препознатливиот градски пејзаж. Во неговата внатрешност се наоѓаат историски слики кои раскажуваат дел од богатата историја на градот.

Импозантната Водена кула е изградена околу 1290–1300 година, дури и пред мостот Капел. Низ историјата имала повеќе намени – служела како набљудувачница и градски архив, а до крајот на 18 век и како затвор. Денес во неа се наоѓа колекција на оружје.

Продолжуваме кон Језуитската црква во Луцерн, посветена на Свети Франциск Ксавер. Таа се смета за една од првите големи сакрални градби во барокен стил во Швајцарија.

Ова католичко ремек-дело од 17 век е елегантно сместено покрај брегот на реката Ројс, во срцето на Луцерн. Препознатлива е по своите впечатливи кули со куполи во форма на кромид, уникатниот ентериер во пастелен барокен стил, розово-белите штуко-украси и исклучителната акустика.

Ќе го видиме и познатиот мост Шпројер (Spreuerbrücke), еден од најфасцинантните историски споменици во Луцерн. Иако често е во сенка на светски познатиот мост Капел, многумина го сметаат за вистински градски скапоцен камен. Познат е по зачуваните средновековни дрвени елементи и историските слики.

Ќе ја посетиме и капелата „Свети Петар“ (Peterskapelle), мала средновековна капела првпат спомената во 1178 година, која се смета за една од најстарите зачувани религиозни градби во градот. Се наоѓа во близина на мостот Капел, по кој го добила своето име.

Ќе ја видиме и црквата „Свети Леодегар“ (Hofkirche St. Leodegar), римокатоличка црква која претставува еден од најзначајните и уметнички најбогатите примери на црковна архитектура од периодот на доцната германска ренесанса во Швајцарија.

Луцерн – Рај за љубителите на шопингот 

Кратките растојанија и разновидната понуда го прават Луцерн совршено место за шопинг. Без разлика дали барате подарок за сакана личност, нова облека или сладок десерт, сигурно ќе го најдете она што го барате.

Во продавницата Casagrande може да најдете типични швајцарски производи и сувенири – од чоколади до часовници.

Прошетајте низ стариот град со шарени фасади украсени со фрески, калдрмисани улички, средновековни кули и историски градски ѕидини.

Во 16:00 часот го продолжуваме патувањето кон Инсбрук (315 км).

По пристигнувањето во Инсбрук, сместување во хотел. Слободно време за одмор. Ноќевање.

5 ден  • Инсбрук – Салзбург

Иинсбрук – Градот на срцето на Алпите

Појадок. Во срцето на Алпите, во регионот Тирол, опкружен со високи планини, се наоѓа прекрасниот град Инсбрук.

Велат дека настанал таму каде што планините шепотат со небото, а реката Ин ја носи нивната тајна низ долината.

Најраните археолошки траги укажуваат на населување на ова подрачје уште во каменото доба. Во четвртиот век Римјаните основале воена станица Велдидена. Инсбрук станал главен град на Тирол во 1429 година, а во 15 век прераснал во важен центар на европската политика и култура. И царот Максимилијан I живеел во Инсбрук во 1490-тите години.

Следува пешачка прошетка низ стариот град, исполнет со прекрасни историски градби и автентична алпска атмосфера.

  • Goldenes Dachl (Златниот кров) – најпознатиот симбол на градот, изграден во 15 век. Неговиот покрив е украсен со 2.657 позлатени бакарни плочи и се наоѓа во срцето на стариот град.
  • Hofburg (Царската палата) – една од најзначајните културно-историски градби во Австрија, позната по раскошниот барокен ентериер. Првично претставувала комплекс од средновековни замоци, а подоцна била проширена во палата. Нејзиниот денешен изглед главно потекнува од барокните доградби направени за време на царицата Марија Терезија.
  • Hofkirche (Дворската црква) – позната по монументалниот гробен споменик на царот Максимилијан I, опкружен со впечатливи бронзени статуи.
  • Swarovski Crystal Worlds – можност за посета на продавницата и разгледување на производите од познатиот кристал Сваровски, како и купување по фабрички цени.

Слободно време за индивидуални прошетки. Секако, препорачуваме да го пробате и традиционалниот австриски специјалитет Kaiserschmarrn – кралска палачинка, десерт кој традиционално се поврзува со хабсбуршкиот двор, правена специјално за Хабсбурговата фамилија.

Во 16:00 часот тргнуваме кон Салцбург (190 км).

Салзбург

Пристигнување во вечерните часови. Сместување во хотел. Слободно време за одмор. Ноќевање.

6 ден  Салзбург – Халштат – Скопје

Појадок.

Салзбург – Алпската убавица

Еден од најубавите градови во Австрија, сместен покрај реката Салцах и опкружен со Алпите. Салцбург изгледа како да излегол од бајка, со својата барокна архитектура, величествената тврдина на ридот и тесните калдрмисани улички. Стариот град (Altstadt) е впишан на листата на светско културно наследство на УНЕСКО. По појадокот следува пешачка прошетка и разгледување на стариот град. Ќе ја видиме родната куќа-музеј на Волфганг Амадеус Моцарт (Wolfgang Amadeus Mozart), стариот плоштад со една од најмалите куќи во градот, катедралата, часовник-кулата со музичките ѕвона, Бискупската резиденција и прекрасните градини на палатата индивидуални прошетки. Во 14:30 часот тргнуваме кон Халштат. (1,5часа возење)

Халштад – Бајката о крај езерото – Мало, но неверојатно живописно место во Австрија, сместено меѓу величествените планини и мирното Халштатско Езеро. Се смета за едно од најубавите села во светот, а штом ќе го видите, веднаш ќе разберете зошто.                Што го прави Халштат толку посебен?

  • Дрвени куќички потпрени на стрмните планински падини, со балкони исполнети со цвеќиња.
  • Кристално чисто езеро кое ги одразува Алпите како огледало.
  • Тесни, романтични улички со автентична архитектура.
  • Утринска магла која полека се издигнува од водата и создава нереална, мистична глетка.
  • Во близина се наоѓа и познатиот рудник за сол, дел од едно од најстарите соларски подрачја во светот.

Време е за кафе и уживање во оваа прекрасна глетка, за да ги средиме впечатоците и да ги зачуваме спомените од оваа бајковита дестинација.

Ех… би сакале да останеме уште долго во оваа прекрасна сцена од бајката наречена Халштат!

Во вечерните часови, исполнети со незаборавни впечатоци и емоции од изминатите денови, го започнуваме патувањето кон Скопје.    Се патува низ Австрија, Словенија, Хрватска и Србија. Ноќно и дневно возење со попатни паузи.

7 ден  • Скопје

Пристигнување во попладневните часови.

 

Цена на аранжманот:

  • Март: 649€ / 40.240 ден.
  • Мај: 669€ / 42.480 ден.
  • Септември: 649€ / 40.240 ден.

 

НЕХАР ТРАВЕЛ   📍 ул. Даме Груев бр.18, Скопје   ☎️ Teл: 02/3 13 10 45  📞  Моб: 071 380 724 ; 071 380 796

📧 e-mail: info@nehartravel.com.mk    web:www.nehartravel.com.mk

 

Аранжманот вклучува

  • Превоз со високотуристички автобус на наведената релација,
  • 1 ноќевања со појадок, во Теглио/Тирано, хотел со 3* (околина)
  • 1 ноќевања со појадок, во Луцерн, хотел со 3* (околина)
  • 1 ноќевања со појадок, во Инсбрук, хотел со 3* (околина)
  • 1 ноќевања со појадок, во Салзбург, хотел со 3* (околина)
  • Билет за легендарниот црвен воз Бернина, втора класа, на релација Тирано – Сент Мориц.
  • Прошетка низ Сирмионе.
  • Прошетка низ Луцерн.
  • Прошетка низ Инсбрук со локален водич.
  • Прошетка низ Салцбург со локален водич.
  • Посета и прошетка низ Халштат.
  • Лиценциран туристички придружник за цело време на патувањето

Не е вклучено

  • Туристичка такса 20€ по лице, се плаќа во агенција
  • Задолжително патничко осигурување 350 мкд,
  • Влезници за културно историски споменици, музеи, локален транспорт.
  • Билети за јавен превоз
  • Доплата за еднокреветна соба 50% од основната цена на аранжманот.
  • Доплата за седиште по избор 20€ по лице

ℹ️ НАПОМЕНИ:

  • За реализација на ова патување, потребен е минимум од 40 патници.
  • Пасошот треба да има важност мин. 3 месеци од денот на враќање.
  • Плаќањето се врши исклучиво во денарска противвредност по курс 1 евро = 62 денари
  • За резервација на аранжманот потребна е аконтација од 30%, целосна уплата најдоцна 20 дена пред поаѓање
  • Организаторот на патувањето не гарантира тип на лежај.(Двокреветна соба може да биде со брачен лежај или со два единечни лежаи, Трокреветна соба може да биде со три класични лежаи, брачен лежај и единечен класичен лежај, брачен лежај или два единечни лежаи и дополнителен лежај (ранч кревет или софа),   четворокреветна соба може да биде со четири класични лежаи, брачен лежај и 2 единечен класичен лежај, брачен лежај или два единечни лежаи и 2 дополнителнителни лежаи (ранч кревет или софа).
  • Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.
  • Со потпишување на договорот за патување, патникот е должен да го прифати местото во автобус кое ќе му го додели агенцијата согласно периодот на уплатата.
  • Останатите услови на патување важат според годишниот програм на НЕХАР ТРАВЕЛ
  • Агенцијата го задржува правото за отказ на аранжманот најмалку 5 дена пред поаѓање, поради недоволен број на патници или виша сила.
  • Патникот има обврска да се јави 24ч. пред патувањето за да потврди термин и час на поаѓање.
  • Со доплата од 20 евра по лице може да се избере конкретен број на седиште во автобусот (мин.2), со исклучок на седиштата од 1 до 4.
  • Распоредот на седење во автобусот се определува според датумот на уплатата
  • Хотелите се лоцирани надвор од градските центри.

Општи услови
1.СОДРЖИНА НА АРАНЖМАНОТ:
Организаторот на патувањето гарантира реализација на аранжманот според описот во програмата. Содржината на аранжманот ќе се оствари според програмата на опишаниот начин, освен во случај на виша сила (војна, штрајк, терористички акции, елементарни непогоди, сообраќаен е граничен застој и слично.) Во таков случај организаторот ќе понуди дефинитивен алтернативен и обврзувачки програм. Усмените информации не може да го обврзат организаторот повеќе од она што е истакнато во програмата.

2.ПРИЈАВИ И УПЛАТИ:
Пријави за секое патување се вршат до пополнување на местата со уплата на аконтација назначена за секоја поединечна програма. Пријавувањето може да се изврши во НЕХАР ТРАВЕЛ и во сите туристички агенции, обвластени за продажба на аранжманите, како и преку Пошта на општа уплатница. При пријавувањето купувачот задолжително уплатува аконтација наведена според програмата а останатиот дел по потврдување од службата за резервации, не покасно од 14 дена пред патувањето. При пријавувањето патникот потпишува пријава – договор со назнака ви изјавувам дека сум запознаен со програмата и општите услови за патување и дека во целост ги прифаќам со што општите услови на патување стануваат правна обврска за организаторот и за патникот.

3.ЦЕНА НА АРАНЖМАНОТ:
Цените на сите патувања се дадени по лице, на база на хотелското сместување во двокреветни соби на база на како е наведено во програмата. Апартманите се продаваат како НАЕМ за наведен број соби. Секое посебно барање во врска со сместувањето подразбира додатни плаќања. Организаторот на патувањето го задржува правото за промена на цената на аранжманот, во случај на промена на девизниот курс на пазарот или промената на цената на хотелските услуги и превозот предвиден според програмата или намалување на бројот на патници под минимумот предвиден во програмата. За зголемување на цената до 10% не е потребна согласност на патникот ( се прсметува на двата дела на уплата, т.е. вкупната цена) Доколку зголемувањето е поголемо од 10 %, патникот има право да го раскине договорот без обврска за надокнада на штетата. Уплатените пари во тој случај се враќаат во целост. Плаќањето е во денарска противвредност според куповниот курс на нашата деловна банка на денот на уплаќањето, доколку е истакната само девизната цена. За сите уплати задолжително е да се добие фискална сметка.

4.КАТЕГОРИЗАЦИЈА НА ХОТЕЛИ:
Понудените хотели и апартмани се опишани според националната категоризација за секоја земја поединечно во време на издавање на програмата. Квалитетитот на услугите е под надлежност на локалните туристички организации. Стандардите на сместување у услуги се различни по дестинации и не се споредуваат. Организаторот нема обврска да ги пријави имињата на хотелите (категоризацијата секако се објавува) доколку тоа не е предвидено во програмата. Кај програмата ФОРТУНА ХОТЕЛИ – организаторот се обврзува патникот да ја добие уплатената КАТЕГОРИЗАЦИЈА. Името на хотелот, спратот, погледот од собата, се добива при пристигнување на дестинацијата.

5.ОПИС НА УСЛУГИТЕ (ПЛАНА НА ОБРОЦИ)
Планот на оброци е според секоја програма поединечно: НП (ноќевање со појадок), ПП (полу пансион – појадок, вечера, ноќевање) П ( полн пансион – појадок, ручек, вечера, ноќевање), СЕ ВКЛУЧЕНО (АИ) (полн пансион + домашен пијалок.)Доколку посебно не е назначено, оброците се класични ( појадок континентален, ручек и вечера на послужување) Секоја земја има свој начин на исхрана ( избор на храна, пијалоци и количина), во кој организаторот не може да влијае. Во апартманите (НАЕМ) нема обезбедено исхрана.

6.ДЕВИЗЕН ДЕЛ:
Кај одредени програми покрај денарскиот дел може да постои и девизен дел: Тоа подразбира дел од девизниот аранжман на странскиот партнер кој по негово барање се уплатува на лице место на негов преставник за сервисирање на истиот.

7.РАТИ:
Аранжманите може да се плаќаат на рати. Комплетната сума се уплатува најдоцна 14дена пред патувањето. Дополнителни информации во агенција за можни начини на кредитирање.

8.ПАТНИ ИСПРАВИ И ВИЗИ:
Корисниците на патувањето се должни да поседуваат важечки пасош и да се информираат кај организаторот на патувањето, дали за земјата во која патуваат (или транзитните земји) е потребна виза, за таа навреме да се обезбеди. Организаторот на патувањето не прифаќа никаква одговорност за евентуалната неисправност на пасошот или дадени невистинити податоци од патникот или за невремено обезбедена виза. Организаторот на патувањето не превзема никаква одговорност доколку дипломатско – конзуларното претставништво го одбие издавањето на виза или ако емиграционото одделение на странската земја не одобри влез. Сите евентуално трошоци ги сноси учесникот, според општите услови на патувањето.

9.ЗДРАВСТВЕНИ ПРОПИСИ И ЗАШТИТА:
Учесниците на патувањето се должни да се информираат кај надлежната установа и да ги почитуваат сите здравствени прописи за патување во одредена земја. (вакцина или здравствен документ.)Во случај на болест во текот на користењето на аранжманот, трошоците за лечење и евентуалните лекарски интервенции ги сноси учесникот на патувањето, а по враќањето во земјата делот од трошоците може да ги надополни со соодветна документација во фонд за здравствено осигурување, доколку со таа земја е склучен договор за здравствено осигурување или преку задолжително патничко осигурување кое се уплатува кај организаторот.

10.ФАКУЛТАТИВНИ ИЗЛЕТИ:
Пријави и уплати на факултативните излети ги прима водичот т.е. локалниот водич на лице место во валута на земјата во која излетот се реализира. Информациите за цените на излетите може да се добијат на продажното место. Цените на факултативните излети ги одредува иностраниот партнер и истите се променливи. Потребен минимум да се организира излетот е 20 патници, освен ако не е наведено поинаку.Излетите можат да претрпат промениво однос на денови исатници. Доколку патникот не сепојави на договореното место и време за излетот, водичот има право да замине на излетот со остатокот на групата без да го чека или контактира патникот кој доцни, а уплатените средства за излетот се неповратни.

11.ИЗМЕНИ ВО ПРОГРАМАТА:
Организаторот има право да ја измени програмата за патување и нејзиното траење и содржина, во случај на виша сила или настанати околности кој организаторот не можел да ги предвиди, избегне или отстрани (наведени според член 1.)Во ваков случај учесникот на патувањето нема право на надокнада. Организаторот го задржува правото да го одложи или откаже патувањето во случај на недоволен број на пријавени патници најдоцна 7 дена пред поаѓање. Во овој случај агенцијата му го враќана патникот во целост уплатениот износ во рок од 8 дена од денот на откажувањето. Доколку постојат оправдани причини, во текот на патувањето можни се измени во редоследот на престојот, во туристичката програма како и во сместувањето. Доколку дојде до промена на сместувањето, агенцијата ќе обезбеди сместување во рамката на иста или повисока категорија. Патникот нема право на жалба и надокнада за такво променето сместување.

12.ОТКАЗ НА АРАНЖМАНОТ:
Патникот може во секој момент да се откаже од патувањето. Исклучиво во писмена форма. Доколку патникот се откаже од патувањето поради причини кои неможел да ги избегне или отстрани (болест, несреќа) Организаторот на патникот му го враќа уплатениот износ со одбивањена реалните трошоци кои произлегуваат од откажувањето. Во овој случај патникот е должен во рок од 5 дена на организаторот да му достави писмена потврда за причината на откажување издадена од надлежни органи. Во секој друг случај организаторот има право на надокнада поради неоправдано откажување, која се одредува во зависност од времето на откажување, и наплата на отказни трошоци во однос на аранжманот, според следната скала.

 

* За отказ повеќе од 30 дена се пресметува манипулативен трошок 1.200 ден.

* За отказ до 30 дена пред патување: 30% од вкупниот износ на аранжманот

* За отказ од 29 – 15 дена пред поаѓање 50% од вкупниот износ на аранжманот

* За отказ од 14 – 05 дена пред поаѓање 80% од вкупниот износ на аранжманот

* За отказ од 05 – 00 дена пред поаѓање 100% од вкупниот износ на аранжманот

Ако патникот не се појави или го откаже аранжманот на денот на поаѓање, организаторот ќе го наплати целокупниот аранжман. Во случај на отказ на веќе потврдена “резервација на барање” организаторот наплатува отказни трошкови во висина на уплатената аконтација. За промена на термин или промена на име на патник, доколку е можно, организаторот ќе наплати манипулативни трошкови во износ од 20 евра.

13.ОБВРСКИ НА ОРГАНИЗАТОРОТ НА ПАТУВАЊЕ:
Организаторот е обврзан да се грижи за реализација на услугите и програмата во целост со внимание на добар организатор и да се грижи за интересите на патниците согласно добрите обичаи во туризмот. Организаторот е должен да му ги овозможи на патникот сите услуги наведени во програмата и одговара за евентуалното неизвршување целосно или делумно. Организаторот исклучува секаква одговорност во случај на промени и неизвршување на услуги предизвикани од дејство на виша сила (член 1.) или од доцнењето на превозните средства, за кои превозникот не одговара согласно позитивните прописи и меѓународни конвенции. Организаторот не одговара во случај на неисправност, кражба или губење на патната исправа која влијае на неиполнување на програмат во целост или на дел. Патникот во тој случај ги сноси сите трошкови и одговорноста. Организаторот на патувањето и превозникот немаат обврска да обезбедат штекери за полнење на телефони или други електронски уреди.

14.ОБВРСКИ НА ПАТНИКОТ:
Патникот е обврзан да се грижи да тој лично, неговите документи и патни торби ги исполнуваат предвидени со граничните, царинските, здравствените и други прописи на својата земјата во која патува. Да се придржува кон куќниот ред во угостителските и хотелските објекти, превозни средства, и да соработува со преставникот на организаторот во добра намера. Во случај на непочитување на одредени обврски, патникот одговара на организаторот (или непосредниот давател на услугата) за направената штета. Патник кој свесно го ремети редот во објектите односно возилото може да биде отстранет од аранжманот без право на надомест. Трошковите и одговорноста се на патникот.

Според Европските тековни прописи во автубусите несмее да се ставаат кеси за отпад на рачките на седиштата. Должност на секој патник е да го исфрли својот отпад во канта за отпадоци на секоја пауза.

15.БАГАЖ:
Патникот има права на бесплатен превоз до 15кг на чартер летовите и редовните авионски линии + 1 рачен багаж. Кај автобускиот превоз дозволен е 1багаж односно патна торба до 20кг. За повеќе багаж и тежина се наплатува во зависност од можноста и дестинацијата. Деца до 2години немаат седиште авион и право на бесплатен багаж. Губењето на багажот со авион е одговорност на авио превозникот според меѓународните конвенции. Организаторот не одговара за изгубениот багаж и драгоцености за време на патување или престој (препорачуваме на сеф)

16.СМЕСТУВАЊЕ ВО СОБИ:
Доколку патникот не договорил посебна соба/апартман со посебни карактеристики, се смета дека ќе прифати било која официјално регистрирана соба/апартман за сместување во договорениот објект опишана во каталогот (програмата) и ценовникот. Доколку е возможно ќе се обиде да одговори дополнително на дополнителните барања на патникот (конфор, ориентација на соба, кат) но не може да гарантира на патникот за таквото барање. Сместувањето во хотелските соби е после 14.00ч, во апартманите после 16.00ч а напуштање на собите/апартманите е до 10.00ч, доколку со куќниот ред не е поинаку назначено во одреден објект.

17.РЕШАВАЊЕ НА ПРИГОВОРИ:
Во случај на непотполно или неквалитетно извршување на услугите предвидени во програмата, учесникот на патувањето има право на сразмерно обештетување доколку поднесе писмен (поединечен) приговор. Потписникот на договор има право на приговор врз основа на докажана неизвршена договорена услуга според програмата. Организаторот нема да прима на разгледување приговори кои ги поднесуваат повеќе носители на договори.

Постапка за поднесување на приговор:

Веднаш на самото место се инфоормира преставнико на агенцијата, односноо извршителот на услугите.
Патникот е должен да соработува со претставникот и со извршителот на услугите во добра намера за се отстранат причините за приговорот. Доколку патникот не го прифати понуденото решение кое одговара на уплатената услуга, организаторот нема да ја уважи дополнителната рекламација на патникот и нема да одговори на истата.
Ако причината за рекламација не е отстранета, патникот во присуство на претствникот или извршителот на услугата прават писмена потврда (записник)
Најдоцна 8 дена по завршување на аранжманот патникот е должен да поднесе писмен приговор до организаторот со презентација на копија од записникот и направени евентуални трошкови. Организаторот ќе ги прими на разгледување само потполно документираните приговори поднесени во наведениот рок.
Организаторот е должен да поднесе писмено решение во рок од 14 дена од приемот на приговорот. Организаторот може да го пролонгира рокот на решавањето на приговорот заради комплетирање на информациите и проверка на наведените рекламации кај извршителот на услугата. Организаторот ќе ги решава само оние рекламации за кои во местото на одмор (патување) не можеле да бидат отстранети причините кои ги предизвикале.
Доколку организаторот не поднесе решение по приговорот, патникот се од посредување на било кое друго лице, судска установа или давање информации во јавните медиуми.
Највисоката надокнада по приговорот, може да достигне сума до износот на рекламираниот дел на услугите, но тоа не ги вклучува веќе искористените услуги како и севкупниот износ на аранжманот. Со ова се исклучува правото на патникот за идеална штета.
Доколку причината не се отстрани, заедно составуваат записник како потврда за рекламација. Најдоцна 8 дена по завршувањето на аранжманот патникот може да поднесе писмена рекламација до организаторот со која треба да го приложи и записникот потпишан од преставникот, како и евентуалните сметки за додатни трошоци. После тој рок рекламацијата не уважува.
Организаторот е должен да поднесе писмено решение на овој приговор во рок од 14 дена по приемот. Додека организаторот не поднесе писмено решение и додека постапката за негово изнаоѓање е во тек, патникот се одрекува од поднесување на кое било друго лице, судска установа или давање информации во јавните гласила.
Најголемата надокнада после рекламацијата може да достигне вредност на цената на аранжманот. Со ова се исклучува правото на купувачот на идеална штета.
18.НАДЛЕЖНОСТ НА СУДОТ:
Во смисла на точка 16 од овие услови, купувачот на услугите на одредена програма има право на рекламација кај организаторот на патувањето. Доколку купувачот не е задоволен од решението на организаторот, има право да бара дополнителна арбитража од страна на СКТМ или од страна на надлежниот суд во Скопје. За се што не е регуларно со одредбите на општите услови на патување , ќе се применат одредбите од законот за облигациони односи.

19.ВАЖНИ НАПОМЕНИ:
Патникот да ја провери трајноста на патната исправа
Учесникот на патувањето е должен сам да се грижи за своите лични предмети, патни документи, и платежни средства.
Припатување со авион на редовна или чартер линија, потребно е да се провери времето на полетување еден ден пред поаѓање на пат бидејќи се можни промени во редот на летање. Организаторот не сноси одговорност во случај на измена на станицатана поаѓање.
При патување во автобус, местата на седење се одредуваат според редоследот на пријавување кај организаторот на патувањето
Аеродромските такси не се вклучени во цената на аранжманот освен ако тоа во програмата не е поинаку назначено, и се променливи.

Останати патувања

Сигурна реализација
Од 269 € по лице
Сигурна реализација
Од 199 € по лице
Сигурна реализација
Од 159 € по лице